Një ngjarje tragjike ka tronditur Ontarion teksa një 20-vjeçar sulmoi me automjetin e tij një familje myslimane, duke vrarë kështu 4 anëtarë të saj.
Mësohet se nga familja i vetmi që ka arritur të mbijetojë është fëmija 9-vjeçar i familjes.
Djali 9-vjeçar momentalisht ndodhet në spital në gjendje të rëndë shëndetësore.
20-vjeçari i identifikuar me emrin Nathaniel Veltman është akuzuar për vrasje në tentativë. Ai u arrestua në një qendër tregtare rreth 6 km nga vendi i krimit
Sipas mediave vendase autori i krimit makabër, nuk i njihte viktimat por i ka sulmuar vetëm për faktin se ishin myslimanë.
Familja ishte me origjinë nga Pakistani dhe kishte emigruar në Ontario 14 vite më parë.
Policia ka bërë të ditur se ka prova që prej kohësh autori e kishte planifikuar një akt të tillë i motivuar nga urrejtja.
