Ndonëse vlerat janë afruar kur bëhet fjalë për dallimet ndërmjet ish-Gjermanisë Perëndimore dhe asaj Lindore, dallimet në fuqinë ekonomike janë ende të dukshme.
Por ka pasur një zvogëlim të rrezikut të varfërisë në disa rajone federale lindore, me një rritje në perëndim, si provinca federale e Rajna-Westfalia Veriore.
Nga grupet sociale, prindërit e vetmuar janë më të rrezikuar për varfëri, 40.4 për qind në perëndim dhe 44.5 për qind në lindje. Bashkimi i sindikatave gjermane e konsideron skandaloze rritjen e numrit të prindërve të vetmuar që vuajnë nga varfëria.
Në prag të varfërisë konsiderohen personat që kanë 60 për qind të të ardhurave mesatare për një rajon të caktuar, që është rreth 1,000 euro në muaj.
