Forcat besnike të kryekomandantit renegat Khalifa Haftar kryen një sulm me raketa sot herët në mëngjes në një spital fushor në kryeqytetin e Libisë.
Militantët sulmuan spitalin, që ndodhet në rrugën e aeroportit në Tripolin jugor, me të paktën gjashtë raketa, sipas një deklarate nga qendra e shtypit e operacionit “Vullkani i tërbimit” i udhëhequr nga Qeveria e Pajtimit Kombëtar.
Sulmi shkaktoi dëme të mëdha në spital dhe ambulanca. Në deklaratën thuhet se milicitë sulmuan vazhdimisht spitalin dhe stafin shëndetësor.
Në një video mesazh të hënën, Haftar në mënyrë të njëanshme e deklaroi veten sundimtar të Libisë.
Duke treguar demonstrime në rrugë në zonat nën kontrollin e tij, ai pretendoi se “ka marrë mandatin e popullit libian” për të qeverisur vendin.
Ai tha se marrëveshja Skhirat e nënshkruar në vitin 2015 nga palët ndërluftuese në Libi nën kujdesin e OKB-së është “një gjë e së kaluarës”.
