Pas të gjitha zhvillimeve që ndodhën dje në veri, nata ka qenë e qetë. Ndërkohë, operacionet e Policisë në kërkim të terroristëve që kanë arritur të largohen, mbrëmë janë ndërprerë.
Kështu ka deklaruar zëvendësdrejtori i Policisë së Kosovës për Rajonin e Veriut, Veton Elshani.
Mediet raportojnë se policia e ka në kontroll gjithë perimetrin edhe të Manastirit në Banjskë të Zveçanit por edhe të gjithë fshatit për shkak të pranisë së madhe të saj.
Një grup i disa makinave të blinduara të EULEX-it ka shkuar atje, ndërkaq grupet e policisë shkencore janë duke e kryer punën e tyre.
