Banorët e fshatit Mustafe në qarkun e Dibrës duan rrugë të shtruar.
Ata kanë dërguar në “Ti Raporton” në Top Channel pamje nga rruga e rrezikshme që duhet të përshkojnë për të dalë dhe hyrë në fshatin e tyre.
Në raste urgjence të sëmurët e fshatit Mustafë e kanë të vështirë të mbërrijnë në spital. Banorët thonë se kanë trokitur në shumë dyer, por nuk kanë gjetur zgjidhje.
Ajo çfarë kërkojnë është asfalt për rrugën dhe mbushjen e gropave që u shkatërrojnë makinat dhe u vënë jetën në rrezik çdo ditë.
Gjatë dimrit rruga ngrin, ndërsa në verë shndërrohet në kanal vaditës për tokat rrotull saj.
Top Channel
