Së paku shtatë persona kanë humbur jetën në një aksident rrugor që ka ndodhur në Kabul, kryeqytetin e Afganistanit, raporton Anadolu Agency (AA).
Zëdhënësi i Ministrisë së Punëve të Brendshme të Afganistanit, Tariq Aryen, njoftoi se dy autobusë udhëtarësh ishin të përfshirë në aksident.
Ai tha se shtatë persona humbën jetën gjatë aksidentit, ndërsa 70 u plagosën, duke shtuar se në mesin e të vdekurve dhe lënduarve ka gra dhe fëmijë.
Aryen theksoi se shkaku i aksidentit ishte neglizhenca e shoferit.
Gjatë një aksidenti rrugor që më 23 prill ndodhi në provincën afgane Zabul, humbën jetën 14 persona, ndërsa 12 persona u lënduan.
