POGRADEC-Një aksident ka ndodhur në aksin nacional Pogradec-Qafë Thanë në afërsi të fshatit Udënisht.
Sipas informacioneve paraprake mësohet se një mjet ka përplasur një grua që po kalonte nga një krah i rrugës në krahun tjetër.
Me shoferin e mjetit po bëhen veprime të mëtejshme procedurale ndërsa sa i përket të plagosur është transportuar në spitalin e Pogradecit.
Sipas mjekëve pavarësisht plagëve të marra gruaja ndodhet jashtë rrezikut për jetën.
