Ambasadori i Gjermanisë në Beograd Tomas Shib, ka thënë sot se është e qartë që Gjermania së bashku me partnerët europian dhe amerikan angazhohet për çështjen e normalizimit të marrëdhënieve Kosovë-Serbi dhe kemi shpresë se dialogu do të fillojë së shpejti, që viti 2019 të jetë vit i një lajmeve të mira.
Besojmë fuqishëm se me ndërmjetësimin e Bashkimit Europian së shpejti të fillëojë dialogu”, tha ambasadori Shib për agjencinë e lajmeve Beta.
Poashtu Shib, theksoi se dialogu dhe marrëveshja është parakusht i anëtarësimit të Serbisë në BE.
“Dialogu i vetëm mund të çojë në një marrëveshje gjithëpërfshirëse ligjore që është një parakusht për anëtarësimin në BE”, ka thënë Shib.
“Kuptohet që një marrëveshje e tillë duhet të gjendet zgjidhje për të gjitha çështjet e hapura të cilat edhe duhet të zbatohen. Duhet të bazohet në parimin e multietnicitetit dhe standardeve demokratike, për të kontribuar në stabilitetin e rajonit. Për këtë arsye, na vjen keq për të gjitha veprimet e njëanshme që rrezikojnë rivendosjen e dialogut “, shtoi Shib.
Ambasadori gjerman ka vënë në theks se perspektiva e anëtarësimit në BE është qenësore në promovimin e paqes dhe prosperitetit të rajonit.
“Perspektiva e anëtarësimit në BE është qenësore për të promovuar prosperitetin, paqen, demokracinë dhe sundimin e ligjit në vendet e Ballkanit Perëndimor” dhe shtoi se shpreson që “negociatat e pranimit me Serbinë do të marrin një hap të rëndësishëm këtë vit”, ka deklaruar Shib.