Ambasadori turk në Katar, Mustafa Göksu, ka përshëndetur solidaritetin e shtetit të Gjirit me Turqinë pas tërmetit të fuqishëm në rajonin e Egjeut që shkaktoi vdekjen e dhjetëra personave.
Në një deklaratë të dielën, diplomati turk tha se ai ka marrë shumë telefonata nga zyrtarët e Katarit dhe vendasit që ofronin ndihmë për Turqinë pas tërmetit.
“Falënderojmë miqtë dhe vëllezërit tanë të Katarit për solidaritetin e tyre mbi tërmetin”, tha Göksu.
Diplomati po ashtu vlerësoi thirrjen e bërë nga emiri i Katarit, sheik Tamim bin Hamad Al-Thani, me presidentin turk, Recep Tayyip Erdoğan. “Ky qëndrim nuk është për t’u habitur nga shteti vëlla i Katarit, i cili ka pozicione pozitive me Turqinë”, tha ai.
Së paku 83 persona humbën jetën dhe qindra të tjerë u plagosën në tërmetin me fuqi prej 6,6 ballë që goditi Izmirin, qytetin e tretë më të madh të Turqisë.
