Është arrestuar drejtori i klinikës së Urologjisë në QKUK, Rexhep Kasumaj, pasi dyshohet se mori ryshfet prej 100 eurosh nga një pacient.
Zëdhënësi i policisë së Kosovës Daut Hoxha ka konfirmuar për KTV-në se, “ sot rreth orës 10:20, Drejtoria për Hetimin e Krimeve Ekonomike (DHKEK) pas pranimit të një informacioni nga një qytetar, ka ndërmarr disa veprime policore në drejtim të hetimit të një personi, mbi dyshimin e bazuar të përfshirjes në veprën penale Marrje e Ryshfetit” ka thënë Hoxha
Sipas Hoxhës, Kasumaj është arrestuar në flagrancë, i cili dyshohet se nga një qytetar ka marrë para për t’i kryer shërbime mjekësore.
“Hetuesit e DHKEK, në cilësi të provave materiale kanë konfiskuar paratë, ndërsa pas intervistimit me urdhër të Prokurorit i dyshuari është dërguar ne Qendrën e Mbajtjes” ka thënë Hoxhaj.
Edhe zyra e drejtorit të SHSKUK-së ka konfirmuar arrestimin e Rexhep Kasumajt derisa ka thënë se gjatë ditëve në vazhdim do të ndërmarrë masat ligjore./Kosova Post/
