Kryeprokurorja Arta Marku zhvilloi një takim me përfaqësues të misionit “Euralius”, ku temë ishte ecja përpara me zbatimin e reformës në drejtësi dhe sidomos me procesin e “Vettingut”.
Në njoftimin e shpërndarë nga Prokuroria e Përgjithshme thuhet se Arta Marku theksoi rëndësinë që ka përshpejtimi i “Vetting”-ut, ligji për rivlerësimin e figurës së prokurorëve dhe gjyqtarëve për sistemin e drejtësisë.
Gjithashtu u theksua nevoja për forcimin e integritetit të prokurorëve dhe gjyqtarëve në luftën kundër veprimtarive kriminale, krimit të organizuar dhe trafiqeve./Top Channel/
