Kryetari i Prishtinës ka konfirmuar se brenda dy javësh kryeqytetit do ti vinë edhe 21 autobusët e rinj. Sipas tij komuna që ai drejton ka përmbushur të gjitha obligimet për të pranuar sa më parë autobuset.
‘Komuna do ta paguaj shërbimin për kilometër, ku ne do t’i marrim të hyrat nga biletat kurse ata paguajnë trafikun urban për çdo kilometër, që ofron shërbim në transportin publik. Kjo kontratë është punu për rreth 9 muaj dhe na ka hapë rrugën dhe besoj që këtë javë paguhen autobusët që kanë mbet, 21 autobusë dhe besoj që brenda dy javëve do t’i kemi në Prishtinë 21 autobusët e tjerë, BERZH veçse ka filluar procedurat e pagimit të këtyre autobusëve e që është rreth 4 milionë euro”, tha Ahmeti./Kosova Post/
