Kryetari Grupit Parlamentar të Partisë Socialiste Taulant Balla gjatë ditës së dytë së vizitës në Bukuresht u prit në një takim në Kryeministrinë e Rumanisë (Pallati Viktoria).
Balla është shprehur se bashkëpunimi i shkëlqyer mes dy qeverive duhet të shtrihet edhe në planin e shkëmbimeve tregtare.
“Bashkëpunimi i shkëlqyer në nivel politik mes dy qeverive tona duhet të ngrihet në një nivel tjetër edhe në planin e shkëmbimeve tregtare.
Rumania është një prodhues i madh energjie dhe drithërash dhe në kontekstin e ri të krijuar global kemi plot mundësi bashkëpunimi”, është shprehur Balla.
Më herët Balla ka zhvilluar një takim edhe me Robert-Marius Cazanciuc, Senator dhe njëkohësisht nënkryetar i Senatit të Rumanisë.
