Të paktën 11 persona, duke përfshirë tre fëmijë, kanë humbur jetën gjatë rrëshqitjeve të dheut në juglindje të Bangladeshit.
Incidentet u shkaktuan nga reshjet e mëdha të shiut në të gjithë Rangamatin, qarkun kodrinor juglindor në Chattogram, thuhet në raportin e medias lokale Prothom Alo.
Zyrtari përgjegjës i stacionit të policisë Naniarchar Abdul Latif u tha gazetarëve se personat humbën jetën në incidente të ndara të rrëshqitjeve të dheut në zonat Boro Pool, Shikolpara dhe Hatimara si pasojë e shirave të dendura në qark.
Për më tepër, shumë rajone të varfra të qarkut janë zhytur në ujë për shkak të shirave të pandërprera gjatë ditëve të fundit.
Disa ekipe të Shërbimit zjarrfikës dhe Mbrojtjes Civile në bashkëpunim me policët, zyrtarët qeveritarë dhe vendasit janë duke kryer veprimtari shpëtimi në këto zona, shtoi Latif.
