Kryedemokrati Lulzim Basha ka thirrur në takim grupin parlamentar të Partisë Demokratike. Mësohet se mbledhja do të zhvillohet në orën 13:00 në selinë blu.
Ende nuk dihet se çfarë do të diskutojnë anëtarët e grupit parlamentar në këtë mbledhje.
Basha mblodhi ditën e djeshme kryesinë e PD-së. Në përfundim të saj, ai u shpreh se Berisha ishte “tubi i oksigjenit” që fuqizonte të ashtuquajturin regjim të Edi Ramës.
Po ashtu Basha tha se koha e Berishës ka mbaruar dhe se nuk do të lejojë askënd që të përdorë PD-në dhe forumet e saj për interesat personale të ish-kryeministrit.