Presioni i konsiderueshëm mbi Shërbimin Shëndetësor Kombëtar (NHS) ka të ngjarë të zgjasë edhe për javët në vijim, paralajmëroi kryeministri britanik Boris Johnson, pasi mungesat e stafit kërcënojnë standardet e kujdesit në spitalet e vendit.
Kryeministri u zotua të sigurojë NHS-në në çdo mënyrë që të mundet, pasi një incident kritik u deklarua në një spital në Lincolnshire.
Ai paralajmëroi se “nuk ka dyshim se Omicron vazhdon të rritet” dhe shtoi se “mendoj se duhet të pranojmë se presioni mbi NHS-në tonë dhe mbi spitalet tona, do të jetë i konsiderueshëm në rrjedhën javëve të ardhshme”.
Johnson tha se “stafi i NHS-së është jetik për të frenuar pandeminë”.
Drejtori i spitalit të Lincolnshire, Colin Farquharson tha se “si rezultat i presioneve të konsiderueshme të personelit për shkak të mungesës në lidhje me Covid-19, ne duhet të ndërmarrim hapa shtesë për të ruajtur shërbimet”.
Johnson theksoi se “ka një mbështetje në rritje shkencore për idenë që maskat e fytyrës mund të përmbajnë transmetimin”.
“Ne nuk duam t’i mbajmë ato. Nuk më pëlqen ideja për të pasur maska për fytyrën në klasë më shumë se kudo tjetër, por ne nuk do t’i mbajmë ato në një ditë më shumë se sa është e nevojshme”, theksoi kryeministri britanik.