Komisioni Qendror i Zgjedhjeve ka miratuar një program të veçantë edukimi dhe informimi për personat me aftësi të kufizuara.
Komisioneri shtetëror i Zgjedhjeve, Ilirjan Celibashi shprehet në një postim në rrjetet sociale se miratimi i një programi të tillë ndodh për herë të parë në historinë e proceseve zgjedhore në vend.
Celibashi sqaron se pjesë e këtij programi të posaçëm është edhe ndërgjegjësimi për procesin zgjedhor për personat me aftësi ndryshe.
Ai informon se në bazë të këtij programi të miratuar nga KQZ, personave me aftësi të kufizuara u krijohen kushte lehtësuese për pjesëmarrjen në zgjedhjet vendore të datës 14 Maj 2023.