Ka mbërritur në ambientet e Gjykatës së Lartë, ish-ministri i Brendshëm Saimir Tahiri, ku sot pritet të shqyrtohet çështja e tij.
Në këtë gjykatë Tahiri kërkon prishjen e vendimit të Apelit të Posaçëm, që ktheu për rigjykim dosjen e tij.
Rekurs për çështjen ka bërë edhe prokuroria, e cila i qëndron kërkesës për dënimin e Tahirit me 12 vite burg për “trafik narkotikësh” dhe “grup të strukturuar kriminal”.
Sipas prokurorisë, Tahiri dhe i bashkëpandehuri i tij Jaeld Cela kanë garantuar grupin e “Habilajve” në trafikun e sasive të mëdha të kanabisit nga Shqipëria në Itali.
