Deputetja Blerta Deliu ka deklaruar në Gjykatë se e ka dëgjuar të akuzuarin Albin Kurti, pasi ka hedhur gaz, të ketë thënë se “duhet edhe 50 tjera me i ndez, me e kall këtë vend krejt”.
“Jam e bindur që e kam dëgjuar këtë”, ka thënë Deliu-Kodra gjatë dëshmisë së saj në Gjykatë.
“Kjo ka ndodhur kur unë kam qenë te ulësja ende, dhe Kurti ndodhej në pjesën ballore të sallës”, ka pohuar ajo.
“Unë jam ndër deputetet e fundit që e kam lëshuar seancën. Në dalje e sipër nga salla kam fillu me vërejt telashe në frymëmarrje”, ka rrëfyer ngjarjen deputetja e PDK-së, e cila në një seancë ka përfunduar në QKUK për shkak të gazit lotsjellës, shkruan express. “Kam shku në tualet t’i pastroj sytë, se nuk e kam ditë që nuk duhet. Bashkë me kolegë me kanë ndihmu me shku poshtë deri në grup parlamentar ku jam trajtu nga mjekët. Pastaj jam dërguar në QKUK”, ka thënë ajo./Kosova Post/
