Lidhja Demokratike e Kosovës, ka mbajtur konferencën javore, ku ka prezantuar zëdhënësin e ri të partisë opozitare.
Besian Mustafa, djali i ish-këshilltarit të Ibrahim Rugovës, Xhemail Mustafa, emërohet zëdhënës i e LDK-së. Kjo është bërë e ditur nga sekretari i përgjithshëm i LDK-së, Ismet Beqiri, i cili njoftoi para mediave për antarin më të ri të partisë.
“Ne kemi dëshiruar që tu ju njoftojm me personin që do të jetë tash e tutje në partinë tonë. Besian Mustafa, është një djal i ri i edukuar dhe i përgaditur jo vetëm për këtë detyrë që do e marr në LDK por edhe për veprimtari të tjera. Është i diplomuar në SHBA. Ka qenë kryeshef në ndërmarrje të rëndësishme, ligjerues i disa lëndeve të ekonomisë etj…”, tha Beqiri.
Ndërsa Besian Mustafa, tashmë zëdhënsësi më i ri i partisë së LDK-së, u shpreh i lumtur dhe mirënjohës që tash e tutje do të jetë pjesë e kësaj partie.
“Unë desha të ju falenderoj që jeni përgjigjë pozitivisht ftesës tonë, i falenderoj të gjithë mediave dhe gazetarëve që po e mbështesni partinë e LDK-së. Unë jam shumë i lumtur që nga tash do të jem pjesë e tyre”, u shpreh Mustafa./Kosova Post/