Drejtori i ARRSH-së, Gentian Gjyli është paraqitur në Prokurorinë e Posaçme (SPAK) mëngjesin e sotëm.
Ai ka qëndruar në SPAK për më shumë se 2 orë dhe është thirrur si person që ka dijeni për hetimet.
Sipas medieve, ai është thirrur për të dëshmuar mbi procedurat e ndjekura në tenderët e rrugëve, gjatë kohës që ai ishte zv/drejtor i ARRSH-së dhe drejtor ishte Evis Berberi, i cili është në hetim nga SPAK nën masën e sigurisë ‘arrest me burg’.
Pas daljes nga SPAK Gentian Gjyli nuk foli për mediet.
Gentian Gjyli u emërua drejtor i ARRSH-së, më 28 mars 2024.