Policia egjiptiane ka vrarë dhjetëra militantë të dyshuar gjatë bastisjeve të forcave të sigurisë, një ditë pas vrasjes së tre turistëve në një shpërthim bombe në Kajro, bëri të ditur agjencia zyrtare e lajmeve MENA.
Tre turistë vietnamezë dhe një udhërrëfyes egjiptian u vranë të premten mbrëma në një shpërthim bombe afër rrugës që synonte një autobus turistik pranë piramidave të famshme botërore në provincën Giza, në perëndim të Kajros.
Asnjë grup nuk ka marrë përgjegjësinë për sulmin.
Të shtunën, forcat e sigurisë vranë të paktën 40 militantë të dyshuar në sulme në Giza dhe në veri të Sinait, raportoi MENA, pa dhënë detaje të mëtejshme.
Autoritetet egjiptiane ende nuk kanë publikuar deklaratë zyrtare mbi bastisjet.
