Takimin e tij në Ankara me emirin e Katarit, Sheikh Tamim bin Hamad Al-Thani, presidenti Erdogan e ka vlerësuar “shumë produktiv dhe pozitiv”.
Presidenti i Turqisë, Recep Tayyip Erdogan, ka deklaruar se lidhjet me Katarin “miqësor dhe vëllazëror” do të vazhdojnë të zhvillohen në shumë fusha.
Takimin e tij në Ankara me emirin e Katarit, Sheikh Tamim bin Hamad Al-Thani, presidenti Erdogan e ka vlerësuar “shumë produktiv dhe pozitiv”.
“Marrëdhëniet tona me vendin miqësor dhe vëllazëror, Katarin, do të vazhdojnë të zhvillohen në shumë fusha”, ka shkruar Erdogan në llogarinë e tij në twitter.
Presidenti turk falënderoi emirin dhe popullin e Katarit për qëndrimin e tyre me Turqinë.
Zëdhënësi presidencial i Turqisë, Ibrahim Kalin, po ashtu bëri të ditur se lideri i Katarit, gjatë vizitës së tij në Ankara ka thënë se vendi i tij do të investojë 15 miliardë dollarë në Turqi.
“Katari ka premtuar 15 miliardë dollarë investime të drejtpërdrejta në Turqi”, ka shkruar Kalin në llogarinë e tij në twitter, pas takimit të presidentit turk me emirin e Katarit.
Sipas zyrës së shtypit të presidencës turke, Erdogan dhe Al-Thani gjatë takimit të tyre tre orësh po ashtu shkëmbyen pikëpamjet mbi marrëdhëniet dypalëshe dhe zhvillimet rajonale.
Ndërsa Al-Thani, në një postim në llogarinë e tij në twitter, më herët shkroi: “Ne jemi së bashku me Turqinë dhe vëllezërit tanë atje, të cilët qëndrojnë pranë Katarit dhe problemet e Ummetit”.
Al-Thani po ashtu konfirmoi se kanë shpallur një paketë investimi projektesh me vlerë prej 15 miliardë dollarë në Turqi, e cila ka një “ekonomi produktive, të fortë dhe të qëndrueshme”./Kohaislame/
