Filipinet sot vendosën “karantinë të zgjeruar të komunitetit” në një zonë ku banojnë afër 57 milionë njerëz në ishullin verior të vendit Luzon, që gjithashtu është vendbanim i kryeqytetit Manila.
Zëdhënësi i Presidencës, Salvador Panelo njoftoi gazetarët sot se “karantina e zgjeruar e komunitetit” do të vendoset “menjëherë”, sipas Rappler.com me bazë në Manila.
Masa erdhi pasi vendi njoftoi më shumë raste të koronavirusit të dielën. Zyrtarët theksuan se 11 persona kanë vdekur për shkak të infeksionit ndërsa 140 të tjerë janë testuar pozitiv për sëmundjen, përfshirë raste të tjera dje.
Departamenti i Brendshëm dhe Pushteti Lokal do të nxjerrë udhëzime për bllokimin e ishullit Luzon që ka për qëllim ndalimin e përhapjen e sëmundjes vdekjeprurëse, e njohur zyrtarisht si Covid-19.
Qeveria do të vendosë karantinë të rreptë për të gjitha familjet, transporti do të pezullohet ndërsa sigurimi i ushqimit dhe “shërbimet thelbësore shëndetësore” do të rregullohen, thuhet në raport.
Gjithashtu planifikohet të rritet vendosja e personelit të uniformuar për të zbatuar masa karantine në të tetë rajonet e vendit.
Koronavirusi i ri që shkakton sëmundjen e njohur si Covid-19 u shfaq në Wuhan të Kinës, dhjetorin e kaluar dhe është përhapur në të paktën 146 vende dhe territore.
