Së paku 15 pjesëtarë të organizatës terroriste Boko Haram janë vrarë, ndërsa 53 civilë janë liruar gjatë aksionit të përbashkët antiterrorist të forcave të sigurisë së Nigerisë dhe Kamerunit.
Zëdhënësi i ushtrisë nigeriane, Onyeama Nwachukwu, konfirmoi se ka filluar aksion i përbashkët i forcave të sigurisë së Nigerisë dhe Kamerunit në afërsi të liqenit Çad.
Forcat e sigurisë liruan 53 civilë, në mesin e të cilëve 16 fëmijë dhe 33 gra.
Civilëve të liruar u është ofruar ndihma mjekësore, ndërsa Nwachuku thekson se gjatë aksionit është konfiskuar edhe një sasi e madhe e municionit.
Boko Haram është organizatë terroriste të cilin në Nigeri në fillim të vitit 2000 e themeloi ekstremisti Muhammed Yusuf për të luftuar të gjitha llojet e kulturës perëndimore, veçmas në sistemin arsimor të Nigerisë.
Yusuf nën rrethana të paqarta në vitin 2009 ndërroi jetë në burg, ndërsa Boko Haram për këtë shkak intensifikoi aktivitetet terroriste dhe u bë kërcënim global terrorist. Momentalisht vepron në Nigeri, Kamerun, Benin, Çad dhe Niger.
