Kryeministrja e Serbisë, Ana Bërnabiç sot është takuar me ambasadorin e Gjermanisë në Serbi, Thomas Schieb.
Në këtë takim siç shkruan “telegraf.rs”, është diskutuar edhe për dialogun në mes të Kosovës dhe Serbisë.
Siç raporton ky medium serb, ambasadori Thomas Schieb ka kërkuar nga Kosova dhe Serbia që t’i rikthehen dialogut.
Po ashtu, ambasadori Schieb gjatë këtij takimi e ka ripërsëritur qëndrimin e Gjermanisë në lidhje me taksën, që kjo taksë duhet të pezullohet menjëherë në mënyrë që t’i jepet hapësirë dialogut.
Në anën tjetër, kryeministrja Bërnabiç citohet t’i ketë thënë ambasadorit Schieb se, Serbia do të vazhdojë dialogun vetëm kur Kosova ta tërheq apo pezulloj taksën pasi që sipas saj, pezullimi i taksës është kusht i Serbisë për vazhdimin e dialogut me Kosovën.
Po ashtu në këtë takim është diskutuar edhe për marrëdhëniet dypalëshe në mes të Gjermanisë dhe Serbisë në fusha të ndryshme.
