Një shtetase turke që mban rekordin botëror të Guinness për gruan më të gjatë, iu dha tre rekorde të tjera për matjen e duarve, gishtave dhe shpinës.
Rumeysa Gelgi, e cila u emërua gruaja më e gjatë që jeton kur u mat zyrtarisht në 2 m e 3 cm e gjatë në tetor 2021, tani është mbajtësja e katër rekordeve botërore.
Gishti më i gjatë i Gelgi-t, me gjatësi 11 cm, i dha asaj rekordin për gishtin më të gjatë në një person të gjallë (femër).
Gjatësia e dorës së djathtë të gruas turke është 25 cm dhe e majta 24 cm, duke i dhënë asaj rekordin për duart më të mëdha të një personi të gjallë (femër).
Shpina e Gelgi-t, me përmasa 60 cm, i dha asaj rekordin për shpinën më të gjatë në një person të gjallë (femër).
“Kam lindur me një veçanti fizike ekstreme,” shkroi Gelgi në Instagram , “dhe doja të frymëzoja dhe inkurajoja të tjerët me dallime të dukshme për të bërë të njëjtën gjë dhe për të qenë vetvetja”
