Persona të panjohur janë futur në objektin e Bashkësisë Islmae në Gjilan dhe kanë vjedhur nga aty 2000 euro.
Ngjarja ka ndodhur në rrugën “Zija Shemsiu” në Gjilan ka njoftuar Policia e Kosovës, duke bërë të ditur se nga aty duke dëmtuar dyert e objektit kanë vjedhur 2000 euro.
Policia ka bërë të ditur se tani janë duke e hetuar rastin.
“Ankuesi mashkull K/Shqiptar ka raportuar se persona të panjohur me përdorim force kanë depërtuar në brendi të objektit të Bashkësisë Islame dhe nga një zyrë kanë vjedhur 2000€ dhe kanë dëmtuar dy dyer të objektit. Në vendin e ngjarjes kanë dalë njësitë policore dhe janë duke e hetuar rastin”, thuhet në raportin e policisë.