Kryeministri i Kosovës, në përvjetorin e rënies ka nderuar me homazhe dhe ka vënë kurora lulesh tek lapidari i dëshmorit Basri Canollin-Shpendi.
Këtë e ka bërë të ditur kryeministri Haradinaj përmes një postimi në Facebook, ndërsa ka shkruar se Basriu ishte një trim, guximtar e luftëtar i pashoq.
Postimi i plotë i Haradinajt:
Sot, në tubimin përkujtimor për shokun tonë të luftës, Basri Canolli – Shpendi, pjesë e “Brigadës 153”, për të mbajtur të gjallë kujtimin dhe nderimin për flijimet për liri jo vetëm për Basriun, që ishte një luftëtar që përmendet ndër shokët e luftës, por edhe për të gjithë ata që ranë për atdhe!
Basriu, ishte prej atyre trimave të pashoq dhe guximtar, çdoherë i pari në rreshtin e parë të frontit, djalë i një familje atdhetare të respektuar shqiptare, të përcaktuar qysh herët në rrugën për liri!
RH
