Kryeministri i Kosovës, Ramush Haradinaj ka emëruar sot Ardiana Hoxhiç ministre të re të Ministrisë së Administrimit të Pushtetit Lokal (MAPL).
“Sot emërova Adriana Hoxhiç, ministre të Ministrisë së Administrimit të Pushtetit Lokal, e cila shquhet për angazhimin e saj për të mirën e të gjithë qytetarëve të Kosovës. Është i njohur gjerësisht kontributi i saj në krijimin e urave të komunikimit dhe mirëbesimit ndërmjet komuniteteve të Kosovës”, ka shkruar Haradinaj në profilin e tij në Facebook.
Hoxhiç emërohet ministre në MAPL pas shkarkimit të ministrit Ivan Todosijeviç nga kryeministri Haradinaj të martën (9 prill).
