Kryeministri i vendit, Ramush Haradinaj ka kërkuar seancë të jashtëzakonshnme të Kuvendit të Kosovës lidhur me projektligjin për lojërat e fatit.
Këtë për lajmi.net e ka konfirmuar edhe zëdhënësja e Qeverisë së Kosovës, Donjeta Gashi.
Ajo ka thënë se kërkesa është dorëzuar në Kryesinë e Kuvendit.“Ju drejtohem me këtë kërkesë për seancë të jashtëzakonshme të Kuvendit, për ditën e mërkurë me 03.04.2019, në ora 11:00, lidhur me projektligjin për ndalimin e lojrave të fatit”, thuhet në kërkesën e Haradinajt.
Kërkesa e Haradinajt vije pas miratimit në Qeveri të Projektligjit që shfuqizon ligjin aktual dhe mbyll të gjitha lojërat e fatit, me përjashtim të llotarisë së Kosovës.
Në lidhje me kërkesën e Kosovës, Kryesia e Kuvendit pritet të marrë vendim së shpejti.
