Kryeministri i Kosovës Ramush Haradinaj, ka marrë vendim që ta lirojë nga pozita e Ministrit të Bujqësisë, Pylltarisë dhe Zhvillimit Rural, Nenad Rikalon.
Këtë e ka bërë të ditur kryeministri Haradinaj përmes faqes zyrtare në Facebook.
Postimi i plotë i kryeministrit Haradinaj në Facebook:
Sot kam marrë vendim dhe kam liruar nga detyra Ministrin e Bujqësisë, Pylltarisë dhe Zhvillimit Rural, Nenad Rikalo.
Z. Rikalo i shprehi falënderim për bashkëpunim gjatë kohës sa ishte aktiv si ministër në Qeverinë e Kosovës.
Në proceset politike para vetes, do të respektoj angazhimin e secilit. Ministri Rikalo ishte ministër i respektuar në Qeverinë e Republikës së Kosovës.
Bashkëpunimi me përfaqësuesit e të gjitha komuniteteve dhe përfaqësuesit e komunitetit serb, do të vazhdon palëkundur.
RH
