Shqipëria edhe një herë hoqi të gjitha kufizimet me vendet e rajonit. Por ndërsa hyrja është e lirë, udhëtarët që kalojnë drejt Greqisë duhet ti nënshtrohen karantinës së detyruar 14 ditore.
Heqja e karantinës së detyruar për udhëtarët nga Maqedonia e Veriut dhe Greqia u reflektua me rritjen e fluksit të lëvizjes në kufi.
Shfuqizimi i vendimit brenda 2 javëve për udhëtarët ka shtuar dyshimet se kufizimet ishin për çështje politike dhe këtë e kanë shprehur edhe në “Ora News”
“Mendoj se ka qenë për arsyen e zgjedhjeve elektorale dhe tani e hapën të qarkullojnë njerëzit.”
Për politikë apo strategji kundër koronavirusit, të shumtë ishin ata që thonë se karantinimi i detyruar u krijoi kosto.
“Më ka penguar në biznes që e kam në Maqedoni.”
Greqia ndërkohë mban ende në fuqi karantinimin e detyruar 14 ditor për të gjithë ata që do të dalin nga Shqipëria.
Kjo masë e shtuar penalizon më së shumti emigrantët shqiptarë të cilët thonë se rrezikojnë vendet e punës.
“Kam lënë gruan dhe fëmijët atje.”
Deri më 14 Maj, të gjitha pikat kufitare mes Shqipërisë e Greqisë, do të vazhdojnë të mbeten të mbyllura veç Kakavijës, nga ku lejohet të kalojnë 400 persona në ditë.
