Gjykata e Posaçme ka lënë në burg avokatin Lavdosh Shehu pasi akuzohet për “ushtrim ndikimi të paligjshëm” ndaj personave që ushtrojne funksione publike.
Avokati Lavdosh Shehu u arrestua 3 ditë më parë pasi dyshohet se ka kërkuar një shumë prej 12 000 eurosh nga familjarët e Fatos Hysenit për të ndikuar te funksionarë të Ministrisë së Drejtësisë me qëllim ekstradimin e tij.
Shehu, ka arritur të marrë nga familjarët e të dënuarit F. H. një shumë prej 5.000 (pesë mijë) eurosh, pikërisht për realizimin e këtij ekstradimi, që dënimi të kryhej në shtetin shqiptar.