Inspektorati Kombëtar i Mbrojtjes së Territorit (IKMT) ka nisur fazën e dytë të operacionit për shembjen e objekteve pa leje në fshatin Theth.
Në këtë fazë janë identifikuar rreth 30 objekte pa leje që do të prishen.
IKMT thekson se veprimet kryhen me qëllim respektimin e legjislacionit për mbrojtjen e territorit dhe ruajtjen e integritetit të zonës natyrore dhe historike të Thethit.
Kujtojmë se kryeministri i vendit, Edi Rama, e ka theksuar se ky aksion do vijojë pa ndërprerje.
Së fundmi, ai publikoi një video nga Parku Kombëtar i Valbonës, me një apel për ndërtuesit.
“U them të gjithë atyre që e vazhdojnë këtë ‘sport’ të ulët, ndaluni”, shkruante kreu i qeverisë, duke theksuar se vijimi i ndërtimeve pa leje është i kotë dhe vetëm do të sjellë humbje kohe dhe parash.
