Intel po feston 50-vjetorin nga prodhimi i mikroprocesorit të parë komercial. Saktë 50 vite më parë, u zbulua Intel 4004 – mikroprocesori i parë komercial që u bë si mostër për çipat e ardhshëm që edhe sot përdoren nëpër kompjuterë e telefona.
Sipas ekspertëve të teknologjisë informative, 4004 ishte i rëndësishëm pasi dëshmoi se çipat mund të prodhohen me madhësi të thonjve.
“Këtë vit shënon 50-vjetorin e prodhimit të çipit Intel 4004. Paramendojeni sa kemi arritur në 50 vitet e fundit. Është një moment i rëndësishëm për teknologjinë. Është diçka që i ka ngritur kompjuterët në një nivel tjetër”, tha Pat Gelsinger nga Intel.
Intel 4004 është zhvilluar nga inxhinierët e kompanisë: Federico Fagin, Ted Hof dhe Sten Mazor. Dy vite para prezantimit të çipit (në nëntor të vitit 1971), Intelit i janë ofruar Nippon Calculating Machine Corporation.
Plani ishte të dizajnohen 12 çipa, por u prodhuan vetëm katër e në mesin e tyre ishte edhe Intel 4004. Ky çip ishte i fuqishëm sikurse kompjuteri i parë në vitin 1946 që kishte madhësinë e një dhome të gjumit.
