Gjykatat në Iran kanë dënuar dy persona, duke përfshirë edhe një shtetas britanik, me dënim me 12 vjet burg për spiunazh për shërbimin izraelit të inteligjencës Mossad, njofton agjencia gjysmë-shtetërore e lajmeve Fars.
Ali Johari, një shtetas iranian, u dënua me 12 vjet burg për “lidhje të shumta me Mossad … dhe takim me elementë të ndryshëm që ndërlidhen me zionistët”, citohet të ketë thënë zëdhënësi i gjyqësorit Gholamhossein Esmaili në faqen e internetit të gjyqësorit.
Ai gjithashtu u dënua me dy vjet burg për pranimin e paligjshëm të fondeve dhe u urdhërua të paguante atë shumë të papërcaktuar si gjobë, tha ai.
Anousheh Ashuri, një shtetas i dyfishtë britanik-iranian, gjithashtu u dënua me 10 vjet burg për dhënien e informacionit për Mossad dhe dy vjet për marrjen e fondeve të paligjshme nga Izraeli, tha zëdhënësi.
Zëdhënësi i gjyqësorit tha se Aras Amiri, një shtetas iranian që jeton në Londër, muajin e kaluar u dënua me 10 vjet burg me akuza për spiunazh.
