Një zjarr masiv ka përfshirë një pyll në ishullin e Lesbos në Greqi, ku shërbimet zjarrfikëse janë duke ndërhyrë për shuarjen e flakëve në rrugë tokësore dhe ajrore.
Sipas mediave helene, forcat e Shërbimit Zjarrfikës dhe vullnetarët po luftojnë me flakët edhe në zonën Rogada të Vaterës, për të vënë nën kontroll zjarrin që shpërtheu në orën 10 të mëngjesit dhe shpërthimi vlerësohet të jetë “i rëndë”.
Mësohet se në Rogada janë duke ndërhyrë për mobilizimin e zjarrit në ishull 30 zjarrfikës, një grup alpinistësh dhe 11 automjete.
Nga ajri po ndërhyhet me dy helikopterë të tipit Canadair, dy PZL dhe një helikopter Mi-8.
Ndërkohë në Lesbos janë duke operuar rreth 50 zjarrfikës, me dy grupe njësish këmbësore dhe 17 automjete.
Nga ajri po operojnë shtatë avionë dhe një helikopter. Ndërkohë, po punohet për evakuimin e qytetarëve dhe turistëve.
