Numri i të vdekurve nga koronavirusi në Itali është rritur në pesë, njoftuan sot mediat lokale, (AA).
Sipas agjencisë italiane të lajmeve ANSA, rreth 219 persona janë infektuar nga virusi vdekjeprurës.
Raportet e fundit tregojnë se Italia tani është e treta në botë për rastet e koronavirusit pas Kinës dhe Koresë së Jugut.
Rajoni më i prekur është Lombardia, e vendosur në veri të Italisë, me 167 raste dhe katër vdekje të raportuara.
Koronavirusi ka dhënë një alarm global, me Kinën e cila ka raportuar 2,592 vdekje dhe mbi 77,000 raste të konfirmuara.
Jashtë Kinës, koronavirusi është përhapur në mbi 25 vende tjera, përfshirë SHBA-të, Britaninë e Madhe, Francën, Spanjën, Rusinë, Iranin, Singaporin dhe Indinë.
