Sipas gazetës Yedioth Ahronoth me bazë në Tel Aviv, Izraeli ka plane të shtuara të ndërtojë 2.304 njësi vendbanimi në Bregun e Perëndimor të pushtuar.
Planet u miratuan nga Komiteti i Lartë i Planifikimit të Administratës Civile Izraelite, një organ përgjegjës për autorizim të ndërtimit të vendbanimeve.
Sipas gazetës hebreje, disa nga njësitë e reja do të ndërtohen në vende ilegale, duke u ofruar atyre zyrtarisht miratimin e shtetit.
Organizata izraelite ‘Peace Now’ kundërshtoi planet e reja të ndërtimit duke e përshkruar si një “politikë katastrofike e qeverisë për të minuar zgjidhjen me dy shtete”.
“Lidhja e mijëra lejeve të strehimit për kolonët dhe një numër i papërfillshëm i njësive të strehimit për palestinezët nuk mund të fshehin politikën e diskriminimit të qeverisë”, tha organizata joqeveriare me bazë në Tel Aviv.
Ajo tha se 88 për qind e njësive të miratuara janë vendosur thellë brenda territorit të pushtuar, siç tha, “në vendbanimet që Izraeli ndoshta do të detyrohet të evakuohet në bazë të një marrëveshje me dy shtete”.
Rreth 650 mijë hebrenj izraelitë aktualisht jetojnë në më shumë se 100 vendbanime të ndërtuara që nga viti 1967, kur Izraeli pushtoi Bregun Perëndimor dhe Kudsin Lindor.
Palestinezët duan që këto territore, së bashku me Rripin e Gazës, të krijojnë një shtet të ardhshëm palestinez.
E drejta ndërkombëtare e sheh Bregun Perëndimor dhe Kudsin Lindor si “territore të pushtuara” dhe të gjitha aktivitetet e ndërtimit atje i konsideron të paligjshme.
