Drejtori i ashtuquajturës Zyre për Kosovën, Marko Gjuriç këtë pasdite nuk u lejua të hyjë në Kosovë.
Këtë masë ndalimi, Gjuriç e quajti skandaloze për Prishtinën, shkruajnë mediat serbe.
Sipas tyre, vizita e Gjuriçit ishte planifikuar në mënyrë të rregullt, mirëpo rreth orës 15:00 ai është kthyer në kufi nga autoritetet kosovare.
“Ky është një vendim skandaloz i Prishtinës, në kundërshtim me të gjitha marrëveshjet dhe parimet elementare të lirisë së lëvizjes”, ka thënë Gjuriç, pasi i është ndaluar hyrja.
Pas kthimit të tij në Beograd ai ka paralajmëruar se do të takohet me presidentin e Serbisë, Aleksandar Vuçiç për të parë lëvizjet e mëtejshme./Kosova Post/
