Banorët e katër fshatrave të Kamenicës, në bashkëpunim me mësimdhënësit dhe nxënësit, kanë zhvilluar sot protestë para ndërtesës së Komunës.
Janë banorët nga Busavata, Strezoci, Krileva dhe Tugjevci, ata që po protestojnë kundër mbylljes së shkollave në këto katër fshatra.
Kujtojmë se mbyllja e shkollave të lartpërmendura erdhi pas vendimit të Qëndron Kastratit për reforma në arsim.
Fillimisht reforma ka nisur në këto katër lokalitete dhe pastaj pritet që e njëjta masë të aplikohet edhe nëpër 19 shkolla tjera.
