Kasatë e Ftohtë Shtëpie me Arra – E Lehtë Plot Freski

Mos i humb

Një ëmbëlsirë fantastike, freskuese, e lehtë dhe me shije të mrekullueshme.

Kasatat janë padyshim ndër ëmbëlsirat më të preferuara.

Dikur ato ishin ndër specialitetet më të veçanta të restoranteve dhe pastiçerive ndërsa sot nostalgjia e shijes së saj mes gjithë ëmbëlsirave dhe akulloreve të shumëllojshme që ofrojnë dyqanet e ëmbla zgjon padyshim dëshirën për t’i provuar sërish.

AgroWeb.org sjell më poshtë recetën fantastike të përgatitjes së kasatës së shtëpisë, një recetë e thjeshtë në përgatitje por që të magjeps tërësisht me shijen e saj.

Receta e Përgatitjes së Kasatës Krejt Lehtë 

(Përbërësit më poshtë janë për 4-5 persona)

4 filxhanë çaji me akullore (mund ta blini të gatshme ose ta bëni vet)

1 lugë gjelle gjalpë i freskët

1 lugë gjelle biskota të thjeshta

1 lugë gjelle arra të thërrmuara

Përgatitja 

Në tasin ku keni akulloren, AgroWeb.org ju udhëzon që të shtoni gjalpin i cili duhet të jetë i shkrirë në temperaturë ambjenti arrat e thërrmuara dhe përzjeini bashkë.

Në tasin apo formën ku do përgatisni kasatën vendosni një shtresë me akulloren e përgatitur me arra e kokrra reçeli qershie, shtroni biskota dhe më pas vendosni një shtresë tjetër akullore.

Futeni në zonën e ngrirjes së frigoriferit dhe lëreni derisa të ngrijë plotësisht.

Më pas nxirreni nga frigoriferi dhe përmbyseni në një pjatancë.

Sipas preferencës sipër mund t’i hidhni disa arra të tjera të thërrmuara, pak çokollatë të shkrirë, disa kokrra reçel qershie ose edhe fruta të tjera apo përbërës të tjerë sipas dëshirës.

Kasatën mund ta përgatisni edhe ndryshe, shtroni në tasin apo formën që do përdorni për kasatën si fillim një shtresë akullore, spërkateni me arrat e thërrmuara, biskotat dhe kokrrat e reçelit kokërr dhe më pas shtoni shtresën tjetër të akullores dhe futeni në zonën e ngrirjes së frigoriferit.

Kjo recetë përgatitet me akullore me shije të ndryshme sipas preferencës.

- ISLAMSHOP.CH -spot_img
- ISLAMSHOP.CH -spot_img

Të fundit