Këshilli i Europës ka regjistruar zyrtarisht vendin fqinj nën emrin e ri “Maqedoninë e Veriut”, raporton korrespondenti i MIA-s nga Strasburgu. Në faqen e internetit të organizatës më të vjetër pan-evropiane, Këshilli i Europës, selia e të cilit ndodhet Strasburg, Ish-Maqedonia rezulton si Maqedonia e Veriut, sipas rendit alfabetik të gjuhës angleze të shteteve anëtare.
Si shtet anëtar, Maqedonia e Veriut, tani gjendet në mes Holandës dhe Norvegjisë.
Pra flamuri maqedonas është vendosur përpara Pallatit të Europës në Strasburg, midis flamujve të Holandës dhe Norvegjisë. Ndryshimi i emrit është bërë edhe në faqen e Asamblesë Parlamentare të Këshillit të Europës, delegacioni i Kuvendit është përfaqësuar si delegacion i Republikës së Maqedonisë Veriore.
Por në hartën në të cilën ndodhet vendet anëtare të Këshillit të Europës dhe kryeqendrat e tyre ende nuk është ndryshuar emri dhe në të qëndron emri i vendit me referencë.
Republika e Maqedonisë Veriore u bë anëtare e Këshillit të Europës më 9 nëntor 1995.
