“Perëndimit do t’i duhet të tregojë unitet për të bindur presidentin rus Vladimir Putin të shmangë një pushtim ‘katastrofik’ të Ukrainës”, kështu është shprehur kryeministri britanik Boris Johnson.
Komentet e Johnson vijnë pas konfliktit të zhvilluar në Ukrainë, ndërsa në Mynih është zhvilluar konferenca e Sigurisë.
Rritja e tensioneve dhe shqetësimet e perëndimit se Rusia do të pushtojë fqinjin e saj janë tema kryesore e konferencës së Sigurisë.
“Ka ende një shans për të shmangur gjakderdhje të panevojshme, por do të duhet një unitet i fortë dhe një solidaritet më i lartë nga Perëndimi , ndryshe nga ajo çfarë kemi parë deri më tani”, ka thënë kryeministri britanik në një deklaratë për mediat, pak para nisjes së konferencës së Sigurisë.
