Një person është vrarë dhe 18 janë plagosur pas sulmeve me raketa në kryeqytetin ukrainas, tha kryetari i bashkisë së Kievit, Vitali Klitschko, sipas skynews.
“Kiev ishte dhe mbetet një objektiv i agresorit,” tha ai.
Gjithashtu ai tha se forcat kanë goditur me raketa lagjen Darnytskyi, e cila ndodhet në pjesën lindore të kryeqytetit.
Kryebashkiaku u kërkoi gjithashtu banorëve që të dëgjonin sirenat e alarmit dhe paralajmëroi personat që ishin larguar nga kryeqyteti të mos rikthehen, pasi situata mbetet e rrezikshme.
