Kryeministri i Irakut, Adil Abdul-Mahdi sot është nisur nga Bagdadi për në Arabinë Saudite për një vizitë zyrtare.
Kryeministri irakian, Mahdi u shoqërua nga një delegacion i profilit të lartë të ministrave, ligjvënësve dhe biznesmenëve gjatë vizitës së tij në mbretëri, sipas një njoftimi të lëshuar nga zyra e tij.
Mahdi pritet të nënshkruajë një mori marrëveshjesh bashkëpunimi midis dy fqinjëve gjatë vizitës së tij dy ditore.
“Iraku është dëshmitar i një zhvendosjeje të madhe në marrëdhëniet e tij me Arabinë Saudite”, tha Abdul Mahdi në konferencën e tij javore për shtyp të martën.
Marrëdhëniet irakiano-saudite u pezulluan pas pushtimit të Kuvajtit nga Iraku në vitin 1990.
Ato u rivendosën pas pushtimit të Irakut të udhëhequr nga SHBA-të në vitin 2003, por lidhjet e vazhdueshme të Bagdadit me Iranin, rivali i Rijadit në rajon, shërbyen për të mbajtur marrëdhëniet e ngrira.
Megjithatë, marrëdhëniet irakiano-saudite u ngritën gjatë periudhës së ish-kryeministrit të Irakut, Haider al-Abadi nga viti 2014 deri në vitin 2018.
