Kryeministri i Izraelit Benjamin Netayahu sërish do të testohet për koronavirus të ri (COVID-19), (AA).
Pasi u vërtetua se këshilltarja e tij Rivka Paluch ishte pozitive ndaj koronavirusit, është marrë vendim që kryeministri Netanyahu sërish t’i nënshtrohet testit.
Ende nuk dihet se kur do të bëhet testi, e as nëse kryeministri Netanyahu do të dëshirojë të qëndrojë në karantinë.
Ndryshe, Netanyahu më 15 mars u testua për koronavirus, duke rezultuar negativ, ndërsa sot u bë e ditur se me koronavirus është infektuar këshilltarja e Netanyahut, Paluch.
Sipas të dhënave të Ministrisë së Shëndetësisë së Izraelit, në këtë vend deri më tani janë regjistruar 4.347 raste me koronavirus, ndërsa së paku 15 të vdekur.
