Policia e Tiranës ka vënë në pranga 5 shtetas për vepra të ndryshme penale.
Mësohet se janë arrestuar në flagrancë shtetasit me iniiciale J. D., 62 vjeç dhe A. D., 43 vjeç,pasi dyshohet se në bashkëpunim me njëri-tjetrin në Shëngjergj kanë kultivuar fidanë të dyshuar cannabis sativa. Një 19-vjeçar po ashtu është vënë në pranga pas kontrollit për lëndë narkotike.
Ndërkohë u bë arrestimi në flagrancë i shtetasit S. H., 19 vjeç, si dhe u procedua në gjendje të lirë kushurira e tij E. H., 31 vjeçe, pasi në dalje të Rinasit, gjatë kontrollit të ushtruar iu janë gjetur dhe sekuestruar dy karta identiteti, të dyshuara të falsifikuara.
Po ashtu është arrestuar edhe një 35-vjeçar për “Armëmbajtje pa leje”.
Njoftimi i policisë
Tiranë
Vihen në pranga 5 shtetas dhe procedohet penalisht një tjetër shtetas, për vepra të ndryshme penale.
Specialistët për Hetimin e Krimit në Komisariatin e Policisë Nr. 4 si rezultat i kontrollit në territor kanë evidentuar dhe goditur një tjetër rast të tentativës për kultivim të kanabisit në vendin e quajtur “Majlug”, Shëngjergj, duke bërë arrestimin në flagrancë të shtetasve J. D., 62 vjeç dhe A. D., 43 vjeç,pasi dyshohet se në bashkëpunim me njëri-tjetrin në vendin e quajtur “Majlug” në Shëngjergj, kanë kultivuar fidanë të dyshuar cannabis sativa.
Në Rinas, nga Policia Kufitare e Rinasit u bë arrestimi në flagrancë për veprën penale “Falsifikim i letërnjoftimeve, i pashaportave ose i vizave” i shtetasit S. H., 19 vjeç, si dhe u procedua në gjendje të lirë kushurira e tij E. H., 31 vjeçe, pasi në dalje të PKK Rinas, gjatë kontrollit të ushtruar në të dyja çantat personale të shtetasve të lartpërmendur, iu janë gjetur dhe sekuestruar dy karta identiteti, të dyshuara të falsifikuara.
Forcat “Shqiponjat” në bashkëpunim me Seksionin e Narkotikëve bënë arrestimin e shtetasit E. D., 19 vjeç, pasi gjatë kontrollit fizik të ushtruar, iu gjet dhe iu sekuestrua një sasi me lëndë narkotike kanabis.
Nga specialistët për Hetimin e Krimit në Komisariatin e Policisë Vorë u bë arrestimi në flagrancë për veprën penale “Armëmbajtja pa leje” i shtetasit L. K., 35 vjeç, pasi në vijim të dokumentimit të plotë të ngjarjes së ndodhur mëngjesin e djeshëm, ku ky shtetas është vetëplagosur me armë zjarri, nga veprimet hetimore ka rezultuar se arma e zjarrit ishte pa leje, e cila u sekuestrua në cilësinë e provës materiale sëbashku me një sasi municioni luftarak.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
