Kryetari i Vetëvendosjes, Albin Kurti bashkë me shefin e Grupit Parlamentar të VV-së, Glauk Konjfuca kanë dorëzuar sot në Pallatin e Drejtësisë një padi.
Ata kanë paditur presidentin e Kosovës, Hashim Thaçi dhe kryeparlamentarin Kadri Veseli se kanë shpifur në deklaratat e tyre në seancën e ‘Syrit të Popullit’.
Kurti ka thënë se Thaçi e Veseli dhanë deklarata të rreme, derisa ishin betuar për të thënë të vërtetat.
“Në seancën e ‘Syrit të Popullit’, dy krerët e shtetit kanë dhënë deklarata të rreme. Ata kanë rrezikuar republikën dhe janë deklaruar nën betim. Këtë ata dy e kanë bërë para katër muajsh”, ka thënë Kurti.
